2020/2021 նոր ուսումնական տարվա սկզբին գործընկերները հանդիպեցին հստակեցնելու համար ծրագրի գործողությունները և գործառույթները COVID19-ի բարդ համավարակային պայմաններում, որը ուղեկցվում է գործընկերների միջև անմիջական շփման հնարավորության բացակայությամբ: Հանդիպումը տեղի ունեցավ MS Teams հարթակում: Գործընկերներն օգտագործել են այս հնարավորությունը` ներկայացնելու համար իրենց հաստատություններում նախագծի իրականացման հաջողությունները և մարտահրավերները: Քննարկված հարցերի թվում էին Ռուսաստանի Էրազմուսի ազգային գրասենյակի (NEO-ի) կողմից անցկացված մոնիտորինգի արդյունքները: Ռուս գործընկերների աշխատանքը NEO-ի կողմից գնահատվել է դրական: Կարանտինի ընթացքում մոնիտորինգն իրականացվել է առցանց տարբերակով։ Մոնիտորինգն իրականացվել է բարձր արդյունավետությամբ՝ հնարավորություն տալով բացահայտել նախագծի ուժեղ և թույլ կողմերը` սկզբնական փուլից սկսած: Տեղեկատվության տարածման խնդիրները քննարկելիս գործընկերները ներկայացրին իրենց տպավորությունը FlexWBL նախագծային առցանց քննարկման վերաբերյալ, որը կազմակերպվել էր DSTU-ի կողմից սեպտեմբերի 11-ին «E4E (կրթություն աշխատանքի համար) մոդելավորման գործընթացներ. նորարարական կրթական ծրագրեր և ցանցային գործընկերություն» միջազգային առցանց համաժողովի շրջանակներում: Հետաքրքիր զեկուցմամբ հանդես եկավ FlexWBL նախագծի համակարգողը, որին հաջորդեց հարցուպատասխանը: Գործընկերները պայմանավորվեցին ակտիվացնել նախագծի վերաբերյալ տեղեկատվության տարածումը պաշտոնական կայքերում և սոցիալական ցանցերում:
Կառավարման խնդիրները վերաբերում էին հիմնականում սարքավորումների ցուցակի հստակեցմանը և գնումների մրցույթի գործընթացի կազմակերպմանը: Նախագծի համակարգողի կողմից ցուցադրվեց և ներկայացվեց նաև նոր ownCloud ֆայլերի փոխանակման տարածքը։


Social media & sharing icons powered by UltimatelySocial
Facebook
Facebook
YouTube