2021 թվականի հունիսի 23-ին նախագծի գործընկերները «Զում» հարթակում անցկացրեցին նախագծի 11-րդ առցանց հանդիպումը:

Գործընկերների հանդիպումը նպատակ ուներ քննարկելու Միջանկյալ հաշվետվությունների պատրաստման, ֆինանսական հաշվետվությունների հետ կապված հարցերը, Աշխատանքի վրա հիմնված ուսումնառության (WBL) լաբորատորիաների սարքավորումների գնման առաջընթացը, ինչպես նաև տրամադրելու տեղեկատվության թարմացում նախաձեռնող հաստատություններում նախագծի իրականացման վերաբերյալ: Հանդիպման մասնակիցները հնարավորություն ունեցան պարզաբանել նախագծի տվյալների բազայի համար Ինտեգրված ուսումնական ծրագրերի ձևանմուշի լրացմանն առնչվող հարցերը: Ներկայումս գործընկերները պայմանավորվածություն են ձեռք բերել կենտրոնանալ 12 ուսումնական ծրագրերի վրա (6 -ը՝ հայաստանյան և 6 -ը` ռուսաստանյան բուհերում), որոնք ունեն Աշխատանքի վրա հիմնված ուսումնառության (WBL) մոտեցման իրականացման ներուժ:  Աշխատանքի վրա հիմնված ուսումնառության (WBL) ծրագրերի նկարագիրը կիրականացվի միասնական ձևանմուշի հենքի վրա և կներառվի Տվերի պետական համալսարանի (TvSU) կողմից աջակցվող նախագծի տվյալների բազայում: Ձևանմուշը մշակվել է Լինցի թեմի կրթության մասնավոր համալսարանի կողմից կազմված FlexWBL շրջանակի ձեռնարկի հիման վրա և մանրամասն ուսումնասիրվել է  գործընկերների կողմից 2021 թվականի ապրիլի 28-30-ը կայացած աշխատաժողովի ընթացքում: Ձևանմուշը հնարավորություն է ընձեռում վերլուծել ուսումնական ծրագրերը` համաձայն Աշխատանքի վրա հիմնված ուսումնառության (WBL) հիմնարար չափանիշների: Աշխատանքի վրա հիմնված ուսումնառության (WBL) ուսումնական ինտեգրված ծրագրերի հաստատման առումով գործընկերները նորություններ փոխանակեցին պաշտոնական հաստատման փաստաթղթերի ստորագրման վերաբերյալ՝ ապահովելով Աշխատանքի վրա հիմնված ուսումնառության (WBL) հաջողված և կայուն իրականացումը ինստիտուցիոնալ մակարդակում: Չնայած փաստաթղթի ձևաչափը կարող է տարբերվել, բոլոր գործընկերները պայմանավորվել են գործընթացն ավարտին հասցնել մինչև օգոստոսի 31-ը:

Հանդիպման երկրորդ հատվածը նվիրված էր Միջանկյալ զեկույցի պատրաստմանը, որի ընթացքում համակարգողը ներկայացրեց զեկույցի կառուցվածքը և քննարկեց գործընկերների կողմից ներդրումների հավաքագրման լավագույն եղանակը: Որոշվել է անցկացնել Ղեկավար խորհրդի առանձին նիստ` առաջադրանքները աշխատանքային փաթեթները վերահսկողների միջև բաշխելու նպատակով: Հանդիպման ավարտին գործընկերները հավաստեցին իրենց ֆինանսական փաստաթղթերի առկայությունը, ամբողջականությունն ու ճշգրտությունը, քանի որ այն Միջանկյալ հաշվետվության հաջողության կարևորագույն բաղադրիչ  է:



Լուսանկարներ Պատկերասրահ

Social media & sharing icons powered by UltimatelySocial
Facebook
Facebook
YouTube